الرئيسية > تبركيك > طرح فكرة طوموبيلات ديال الضو بلا باتري.. المخترع المغربي ماجد البوعزاوي خدا “جائزة المستقبل” فاليابان
04/06/2021 19:00 تبركيك

طرح فكرة طوموبيلات ديال الضو بلا باتري.. المخترع المغربي ماجد البوعزاوي خدا “جائزة المستقبل” فاليابان

طرح فكرة طوموبيلات ديال الضو بلا باتري.. المخترع المغربي ماجد البوعزاوي خدا “جائزة المستقبل” فاليابان

كود- عن Maroc-Hebdo//

ربح المخترع المغربي ماجد البوعزاوي، مؤخرا “جائزة المستقبل”، فالنسخة ديالها 34، فالمؤتمر العالمي للعبقرية فاليابان، اللي كينظمو المعهد الدولي للاختراع والابتكار، وهذشي بفضل ابتكار الطوموبيلات ديال الضو بلا باتريات.

هذ “النموذج المستقبلي” فيه هذ الطوموبيلات كيقدو يخدمو بجوج لفائف، واحد على الطريق، وهو مصدر الطاقة الكهربائية، باعتماد طاقات نظيفة، والثاني فالجزء السفلي من الطوموبيل.

وفحديثو على هذ الاختراع، قال البوعزاوي أنه كيعتمد بشكل رئيسي على التاثير الكهرومغناطيسي، حيت واحد من اللفائف اللي تطع بالضو، فكيعطي مجال كهرومغناطيسي، والى حطينا اللفاىف بجوج، فالثاني غيتحول لطاقة كهربائية لتشغيل الطوموبيل بلا باتري.

هذ الطوموبيلات هي صديقة للبيئة، وفنفس الوقت ماغتكونش غالية، بحيت البطارية الكهرباىية كتكلف بين 5 آلاف حتى ل15 لالف دولار، وكيقول المخترع انها ممكن تكون فالمغرب، واخا هذشي معقد شوية لكن ماشي مستحيل.

ولحد الساعة، مازال البوعزاوي كيقلب على شركة مغربية تتبنى هذ الفكرة، لكن لحد الساعة اتصل بيه مصنع تركي وأبدى الرغبة والاهتمام ديالو ديالو بالمشروع.

وماجد البوعزاوي عندو 44 عام من عائلة بسيطة فالرباط، وهو مهندس إلكتروني بدا فهذ المجال من 1997 اللي خدا فيها براءة اختراعو اللولى.

المصدر

موضوعات أخرى