الرئيسية > featured > طراكسات كازا غادية تردم المطاعم والحانات العشوائية “كورنيش كازا” وغيرها من عشوائيات فالشريط الساحلي
04/02/2024 21:24 featured

طراكسات كازا غادية تردم المطاعم والحانات العشوائية “كورنيش كازا” وغيرها من عشوائيات فالشريط الساحلي

طراكسات كازا غادية تردم المطاعم والحانات العشوائية “كورنيش كازا” وغيرها من عشوائيات فالشريط الساحلي

كود كازا//

طراكسات الوالي مهيدية غادية تردم المطاعم والحانات العشوائية ديال “كورنيش عين الدياب” ، القرار تم اتخاذه على أعلى مستوى بوزارة الداخلية، والوالي الجديد مهيدية المعروف بصرامته عندو الضو الأخضر وغادي يمر للتنفيذ في الأيام القليلة القادمة.

الموضوع هو إعادة تأهيل كورنيش عين الدياب، المتنفس السياحي التاريخي لمدينة الدار البيضاء، للي فيه مسابح وريسطورات وليبواط وللي كانو كيشتغلو هادي أكثر من 3 سنوات بدون ما يأديو واجبات الكراء. بعض الريسطورات كانو كيسربيو الشراب والشيشة بدون ترخيص وأحيانا حتى للصباح. الوالي السابق كان عاجز على التصدي لهاد الخروقات بسبب قوة اللوبي المتحكم فاستغلال الكورنيش.

اليوم، بعدما تم تعيين الوالي مهيدية، الأمور تغيرات كثيرا وكانت البداية بتحريك الطراكسات لتحرير الفضاءات العمومية من الاحتلال العشوائي، ومن بعدو تم تنقية الفضاءات المجاور للولي الصالح سيدي عبد الرحمن بعدما قامت السلطات بهدم البنايات المحيطة به للي كانت فيها ممارسات ديال الشعوذة وتجارة المخدرات والقرقوبي، والآن جا الدور على المطاعم والعلب الليلية والمسابح العشوائية للي تم اتخاذ القرار بهدمها وتمت مراسلة المعنيين بالأمر رسميا وللي تلقاو أمر بإخلاء هذه المحلات العشوائية باش تدوز عليها الطراكسات.

الكازاويين فرحانين بهاد القرارات للي بدا كيفعلها الوالي الجديد وللي بان الأثر ديالها على مدينة الدار البيضاء. للتذكير، راه كان سيدنا جاي فزيارة للدار البيضاء هادي أسابيع، لكن تم تأجيل هذه الزيارة فأخر لحظة. الآن، الوالي والسلطات قرروا يمروا للسرعة القصوى لإعادة تأهيل الفضاءات العامة ديال العاصمة الاقتصادية للمغرب. ويبقى السؤال: واش الوالي مهيدية غادي ينجح فعلا فتنفيذ هاد الأمر للي ما قدروش ينفذوه الولاة السابقين، ولا حتى هو غادي يتراجع فأخر لحظة ؟ غادي نتسناو باش نشوفو.

موضوعات أخرى

28/02/2024 19:30

المجلس الأعلى للحسابات.. 29 حزب من أصل 34 للي قدمو الحسابات ديالهوم.. وها شحال وصلات

28/02/2024 19:30

بغى يروجها سياسيا.. تبون طلب من ولد الغزواني يشارك فمنتدى الدول المصدرة للغاز بالجزائر

28/02/2024 19:00

أهم حاجة خاص تدير وزارة الصحة والمغاربة والحكومة هو حملة تحرير السبيطارات من سطوة رجال الامن الخاص. مايمكنش كيفاش الدولة سلمات منشآت حيوية لشركات الامن الخاص باش تولي هي الآمر والناهي والسلطة الوحيدة في السبيطار

28/02/2024 18:00

لا يخلو مغربي من العدل والإحسان! إنها في طلبة الطب. وفي المريض. والأستاذ. وفي أقساط البنك. وفي الرأس. وفي لحظات الغضب. وفي كل شيء

28/02/2024 16:48

وأخيرا. اغلالو قدمات الاستقالة: وها المرشحة لي عليها اجماع باش تاخد عمدة العاصمة