عمر المزين – كود///

علمت “كود” أن طبيب معروف طاح صباح اليوم الثلاثاء من الدوزيام إيطاج ففاس وبالضبط في حي ملعب الخيل.

وحسب مصادر “كود”، فإن هاد الطبيب “م.ب” طاح في ظروف مزال غامضة، وغير معروف واش انتحر أو طاح بشكل عرضي. دبا الشرطة القضائية فتحت بحث قضائي تحت إشراف النيابة العامة باش تعرف شنو اللي وقع بالضبط.

الفرضية لكبيرة، وفق المصادر ذاتها، ترجح أن يكون الحادث له علاقة بعملية انتحار لكن البحث هو اللي غادي يتحدد شنو لي وقع بالضبط، والنيابة العامة غادي تأمر بتشريح الجثة لتحديد جميع الظروف والملابسات المحيطة بهاد الفاجعة.

هاد الطبيب كانت عندو عيادة ففاس ومن بعد مشا لصفرو. تقول مصادر “كود” واللي كشفت أنه كان لابس شورط فاش طاح من الدوزيام إيطاج.. الوقاية المدنية جاو بالزربة لمكان الحادث.

اللحظة فاش طاح او انتحر كان معاه فالدار ديالو مراتو بالإضافة إلى راجل بنتو. وهاد الطبيب راجل كبير شويا فالسن.