كود سبور//

اكد أنيس شاكو طبيب الوداد الرياضي الخبر اللي نشرات “كود” فوقت سابق، وهو ان لاعب الفريق منتصر الحتيمي برا من الاصابة، وراه واجد باش يلعب اياب فينال السوبر ليك الإفريقي ضد ماميلودي صن داونز الجنوب إفريقي غدا الاحد فبريطوريا.

وتحدث أنيس شاكو طبيب الوداد الرياضي على هامش الحصة التدريبية الأخيرة ديال الواك قبل الفينال وقال فتصريح له: “كاع اللاعبين واجدين مائة بالمائة وما عندناش غيابات.. كانت عندنا اصابة واحدة هي ديال منتصر الحتيمي اللي كان توعت بكدمة فالرجل ديالو فماتش الذهاب”.

وزاد اكد طبيب الوداد بخصوص الحتيمي: “التطور ديال حالتو الصحية كانت ايجابية وتمكنا من استرجاعو فوقت قياسي وهو دابا جاهز 100%، باش يشارك مع صحابو فالفينال”.