كود سبور//

اكد طبيب المنتخب المغربي لاقل من 20 عام، ان صحة اللاعبين كاملين بخير قبل ماتش سيراليون برسم ربع نهائي كاس أفريقيا U20، إلا واحد اللي ما غايلعبش گاع مع الگروب ما تبقى من البطولة، وبودلال يقدر يلعب ضد سيراليون الاثنين الجاي.

https://www.facebook.com/share/v/1C2NedB59b/?mibextid=wwXIfr

وكشف عبد الرحمان رحيب طبيب المنتخب الوطني المغربي لاقل من 20 عام، على الحالة الصحية ديال لاعبين المنتخب المغربي قبل ماتش ربع نهائي كاس أفريقيا ضد سيراليون، وقال فتصريح للموقع الرسمي للجامعة الملكية المغربية لكرة القدم: “جميع اللاعبين صحتهم مزيانة، إلا اللاعبين اللي كانوا توعتو لينا فالماتش الاولى وهما الزبيري اللي خضع للفحوصات الطبية هاد اليومين وتبين انه ما يقدرش يكون مع الگروب حيث الاصابة ما تسمحش له يشارك فالماتشات، وبودلال تجاوز المرحلة ديال العلاج الطبي ودابا بدا مرحلة التأهيل البدني مع البريباراطور فيزيك والى الحالة ديالو تحسنت فهاد الثلاث ايام يمكن يشارك من المنتخب ضد سيراليون”.

وكمل طبيب الاشبال وقال: “الماتش اللي فات ضد تونس ما كانوش عندنا الاصابات وقدرنا نرجعو واحد 2 لاعبين اللي كانوا موعتين، وهما العبدلاوي وبوعيار”.