گود سبور//

عاقب اتحاد غينيا الاستوائية المهاجم ديالو إيميليانو إنسوي، ووقفوه واخا هو اللي ربح جائزة هداف كوب دافريك “الكوت ديفوار 2023″، وساهم فتأهل منتخبهم التاريخي إلى ثمن النهائي.

اتحاد غينيا الاستوائية وحسب الإعلام “الفرنسي”، قرر يعاقب إيميليانو انسوي نجم المنتخب هو وصاحبو ايدو سالفادور، وبعدهم من الماتشات جايين ديال غينيا الاستوائية بسبب عدم الانضباط وأنهم دارو المشاكل والفوضى ملي كانوا مع المنتخب فكوب دافريك فالكوت ديفوار.

وخدا إميليانو إنسوي جائزة أحسن هداف فكوب دافريك “الكوت ديفوار 2023” بخمسة البيوتا، ساهم بها فالإنجاز التاريخيّ ديال غينيا الاستوائية اللي تكاليفات للويتيام دو فينال وتصدرت الگروب الأول اللي كانت فيه الكوت ديفوار المنظمة وبطلة النسخة ونيجيريا وصيف البطل.