الرئيسية > آراء > طبعا من حق ماء العينين وأي مغربية أخرى(عندها ترف حرية الإختيار)أنها تحيد الحجاب أو تخليه، ولكن لي ماشي من حقها هو تكذب على المغاربة وتظاهر عليهم بالتقوى فالحياة الدنيا
11/01/2019 11:00 آراء

طبعا من حق ماء العينين وأي مغربية أخرى(عندها ترف حرية الإختيار)أنها تحيد الحجاب أو تخليه، ولكن لي ماشي من حقها هو تكذب على المغاربة وتظاهر عليهم بالتقوى فالحياة الدنيا

طبعا من حق ماء العينين وأي مغربية أخرى(عندها ترف حرية الإختيار)أنها تحيد الحجاب أو تخليه، ولكن لي ماشي من حقها هو تكذب على المغاربة وتظاهر عليهم بالتقوى فالحياة الدنيا

محمد سقراط – كود//

طبعا من حق ماء العينين وأي مغربية أخرى(عندها ترف حرية الإختيار)أنها تحيد الحجاب أو تخليه، ولكن لي ماشي من حق ماء العينين هو تكذب على المغاربة وتظاهر عليهم بالتقوى والورع والزهد فالحياة الدنيا والعمل للآخرة وهي عايشة الحياة الدنيا هنا وفباريس، حيت الحجاب ماشي غير خرقة فوق الراس وإنما لباس ديني عندو حمولة إيديولوجية كيعبر على إنتماء مولاتو للفئة الناجية لي ماغاديش تدخل جهنم يوم البعث، والباقي راه غير سافرات ظالات مظلات، واخا ماتقولش هادشي بفمها ولكن هادشي لي كيعنيه الحجاب فوق رأس أي وحدة لابساه إختياريا، حيت كون كان الحجاب غير شرويطة بحال حيدو بنادم بحال خلاه كاع متكون دوك الحملات المنظمة ديال الخوانجية ديال حجابي عفتي، وكاع مايكونوا الألاف ديال السيديات والكتب والمنشورات لي كتدعي للتحجب وبلي الأنثى المحجبة أطهر وأزكى من السافرة.

صورة ماء العينين بلا حجاب في فرنسا هي فضيحة، ولي فضيحة كثر هو أنها باقا دايرة الحجاب هنا، طبعا كولشي عارف أن سيدي ربي سالاو معاه الفرانسيس مع الثورة لي دارو تلاتة دالقرون هادي، لذا في فرنسا أي متزمت من أي قنت فالعالم غادي يزور ديك البلاد غادي يضربو الهوا ديال التحرر والإنعتاق( في حالة مشا سائح مدور الصرف فحالة مشا حارك هارب من الميزيرية فغادي يضربو لهوا ديال عبقادر إمام مسجد أحد وغادي يتشدد كثر ملي جا)، وعادي جدا أن إنسانة بحال ماء العينين ومكانتها المجتمعية وإنتمائها الطبقي كيأهلوها أنها تعيش الحداثة على أصولها، وفباريس معقل الحداثة وما بعدها وتحتها، ولكن على الأقل تكون عندها الجرأة والشجاعة باش تقول هاديك أنا لي فالصورة، ماشي تقول قالي بنكيران نتي حرة مع راسك ديري لي بغيتي تاواحد ماشغلو فيك.

آه تاواحد ماشغلو فيك ولكن على الأقل حتارمي الأم ديالي لي كتلبس النقاب فديك الحرارة ديال مراكش وتحداتنا كاملين وخرجات صوتات على العدالة والتنمية حيت كيخافو الله وحيت بزاف ديال الأخوات صحاباتها منهم وصوتوا عليهم، وحيت البنت لي كتقريها محو الأمية فالجامع محجبة وقاتليهم صوتوا على العدالة والتنمية وطبعا تاقت فيها حيت  بفضلها ولات قادرة تقرى القرآن، ولي بحالها بحال بزاف ديال المغاربة صوتوا على العدالة والتنمية حيت لحايا ومحجبات متاقين الله، ماشي حيت محجبات هنا سافرات في باريس.

موضوعات أخرى