الرئيسية > آراء > طبعا من حقك تغني النشيد الوطني و لا ماتغنيهش ! و لكن بلاتي ! من ايمتا ولا النشيد الوطني مستفز لشي ناس ؟! و شكون هاد الناس لي كايعتابروه استفزاز و كايقولوليك هاد المقارنة الغالطة و الخطيرة ” ايوا شتي كون ماخرجوش هادوك يغنيو النشيد ! مايخرجوش لاخرين للزنقة يدعيو الله”
23/03/2020 16:00 آراء

طبعا من حقك تغني النشيد الوطني و لا ماتغنيهش ! و لكن بلاتي ! من ايمتا ولا النشيد الوطني مستفز لشي ناس ؟! و شكون هاد الناس لي كايعتابروه استفزاز و كايقولوليك هاد المقارنة الغالطة و الخطيرة ” ايوا شتي كون ماخرجوش هادوك يغنيو النشيد ! مايخرجوش لاخرين للزنقة يدعيو الله”

طبعا من حقك تغني النشيد الوطني و لا ماتغنيهش ! و لكن بلاتي ! من ايمتا ولا النشيد الوطني مستفز لشي ناس ؟! و شكون هاد الناس لي كايعتابروه استفزاز و كايقولوليك هاد المقارنة الغالطة و الخطيرة ” ايوا شتي كون ماخرجوش هادوك يغنيو النشيد ! مايخرجوش لاخرين للزنقة يدعيو الله”

سهام البارودي-كود//

البارح ضربت دورة عند بعض الخوانجية و اللحايا فالفايسبوك باش نحاول نفهم السلوك ديال خوتهم لي خرجو فطنجة و فسلا و فاس … عالله و عسى نلقى شي تفسير و نفهم شنو وقع!
اولا كلهم ! دوك الريوس الكبار ديال السلفية و الخوانجية كايشجبو و كاينددو بداكشي لي وقع ! ايوا شنو ! هاهوما گاع متافقين واش غايقولوها طاي طاي ؟! مالهم مسطين ! طبعا غايشجبو و يستنكرو و يبانو مقلقين من داكشي لي دارو بعض ” المستهترين” كيما كايسميوهم!

ولكن لي لاحظت ايضا ! انهم كايفسرو داكشي لي وقع بالدعوة لغناء النشيد الوطني  و كاتلقا الاخ ابو حذيفة مكومونطي للاخ ابو هنيهة كايقوليه ” وا هادشي كامل بسباب هادوك لي ناضو غناو النشيد الوطني” ” وا شفتي هادشي داروه هادوك لي خرجو غناو النشيد الوطني” ” وا كون ماخرجوش مالين النشيد ! مايخرجوش هادوك الاخرين” فحالا غناء النشيد الوطني ولا اليوم استفزاز !
وا سمعي على ودنيك آ الدولة ! بنادم كايدخل و يخرج فالهضرة و حيثما و إنما و ما فتأ و فاللخر كايقوليك ” كون ماخرجوش يغنيو النشيد الوطني”

طبعا من حقك تغني النشيد الوطني و لا ماتغنيهش حتى واحد ماغايفرضو عليك ! و لكن بلاتي نطرح عليك واحد الاسئلة
ايمتا ولا النشيد الوطني لي هوا رمز من رموز الدولة استفزاز ؟
فوقاش كان غناء النشيد الوطني شي حاجة خايبة ؟

و شكون هادو لي كايشوفو فيه استفزاز ليهم ؟

و علاش هاد المقارنة بين النشيد الوطني لي كايمثل الوطن و الدعاء و الابتهال لي كايمثلو الله ؟!

وواش كاتآمنو بشي حاجة سميتها الوطن ؟ البلاد ؟ الارض و الثرات و التقاليد و العادات و الكرعين و الگديد و كسكسو و التقيتيقات لي كانتقاسموها كاملين كمغاربة و لي كايشكلو جزء من الهوية ديالنا ؟! ايوا راه النشيد جزء من الوطن !

لاكانو هادو لي خرجو البارح فطنجة و فاس و سلا خرجو من دايتهم لراسهم راه مصيبة كحلة ! و لا كانو خرجو حيت ” غناء النشيد الوطني” استفزهم راه مصيبتين !

انا فنظري اي واحد كايشوف انه النشيد الوطني “مستفز” و كانسطر على ” مستفز” خاص اعادة النظر فيه و فانتماؤو و فالايديولوجية لي حاملها !

 

موضوعات أخرى

12/07/2020 17:30

كورنا فهاد 24 ساعة: 203 تصابو و218 تشافاو و5 ماتو..الطوطال: 15745 حالة منها 250 توفاو و12283 تعافاو واليوم الحصيلة ثقيلة بجهة طنجة