الرئيسية > آش واقع > طاكسيات فاس هادي 4 أيام وهوما شالين الحركة ولي مدارش الإضراب كيهرسو ليه الطاكسي والداخلية دخلات على الخط – صور
20/01/2019 17:30 آش واقع

طاكسيات فاس هادي 4 أيام وهوما شالين الحركة ولي مدارش الإضراب كيهرسو ليه الطاكسي والداخلية دخلات على الخط – صور

طاكسيات فاس هادي 4 أيام وهوما شالين الحركة ولي مدارش الإضراب كيهرسو ليه الطاكسي والداخلية دخلات على الخط – صور

عمـر المزيـن – مكتب الرباط//
omarelmouzaine@gmail.com

إضراب الطاكسيات الصغار بفاس شل حركة النقل بالعاصمة العلمية. مهنيّو سيارة الأجرة الصغيرة داخلين فإضراب هادي 4 أيام بشارع الحسن الثاني وعلال بن عبد الله، للتنديد بما وصفوه “مضايقة” مهنيي سيارة الأجرة الكبيرة لهم داخل المجال الحضري، وتفعيل القانون الصادر فالعام ديال 2009.


هاد صحاب الطاكسيات ضصرو بلا قياس. فحسب مصادر محلية، لـ”كود”، فإن عدد منهم ناض يهرس بزاف ديال الطاكسيات حقاش الشيافر ديالو مشاركوهومش ف الإضراب وبغاو يخدمو على راسهوم. البوليس بطبيعة الحال تدخل يوم الجمعة الماضي قرب مدارة ملعب الحسن الثاني، وبلا حشمة بلا حية ناضو يدابزو حتى مع البوليس.


الشلل لي ضرب قطاع النقل بفاس دفع الداخلية إلى الدخول على الخط. فحسب مصادر “كود”، فإن الكاتب العام ديال ولاية جهة فاس مكناس عقد مؤخرا اجتماعا بمقر الولاية مع ممثلي مهيني سيارات الأجرة الصغيرة لكن موصلو لحتى شي حل، والإضراب مزال مستمر والحركة واقفة فاس.


رواد مواقع التواصل الاجتماعي هاجمو بزايد صحاب الطاكسيات بفاس. ودعوا إلى مقاطعة الطاكسي لحمرا بشكل نهائي كرد على هاد الاضراب لي عندو خلفيات أخرى كولشي عارفها. إضراب لي فيه التهراس ماشي حضاري وباين الرسائل ديالو شنو هي.

موضوعات أخرى