كود -Nasa //

طاقم Artemis II هبط فالمحيط الهادئ حدا San Diego فمريكان مع الصباح ديال السبت 11 أبريل ، وهكا كتكون سالات المهمة التاريخية اللي دامت 10 أيام، ولي كانت أول رجوع للبشر لمحيط القمر من أكثر من 50 عام.

https://x.com/i/status/2042757354798616815

مركز التحكم ديال ناسا علن بأن الهبوط كان “مثالي وفالبلاصة المحددة”، من بعد رحلة حطّمات رقم قياسي جديد كأبعد مسافة وصل ليها الإنسان فالفضاء، حيث وصلات لـ252,756 ميل على الأرض، وفات الرقم القديم ديال مهمة Apollo 13 عام 1970.

الطاقم كان فيه القائد Reid Wiseman، والطيار Victor Glover، ومعاهم Christina Koch، وزيد عليهم الكندي Jeremy Hansen. وفهاد الدوران ديالهم حدا القمر، صوّرو ديكورات من الجهة البعيدة ديالو اللي عمرها ما تشافات بعين الإنسان من قبل، وحتى شافو كسوف شمسي كلي.

ومن بعد ساعتين على الهبوط، تنقل الطاقم بطائرات هليكوبتر لسفينة الإنقاذ USS John P. Murtha باش يدوزو الفحوصات الطبية.

ومسؤولي NASA أكدو بأن هاد المهمة غير البداية فطريق كبير الهدف ديالو هو بناء قاعدة بشرية فالقمر فالمستقبل.