الرئيسية > ميديا وثقافة > طارق رمضان حفيد مؤسس “الاخوان” كينظر للعفة وكينيك طول وعرض: كذبت ومارست الجنس الرضائي مع هند وكريستيل ولكن بلا عنف 
07/09/2019 11:00 ميديا وثقافة

طارق رمضان حفيد مؤسس “الاخوان” كينظر للعفة وكينيك طول وعرض: كذبت ومارست الجنس الرضائي مع هند وكريستيل ولكن بلا عنف 

طارق رمضان حفيد مؤسس “الاخوان” كينظر للعفة وكينيك طول وعرض: كذبت ومارست الجنس الرضائي مع هند وكريستيل ولكن بلا عنف 

كود كازا ///

من الاحداث هاد السيمانا اللي كنعيشو نهايتها حوار جون جاك بوردان على “ار ام سي” و”بي اف ام تي في” الفرنسيتين مع طارق رمضان احد منظري الاسلام السياسي في اوربا وحفيد مؤسس حركة “الاخوان” وتبث البارح الجمعة فالصباح. 

فهاد الحوار بان طارق رمضان كذاب. كذاب باش نكر باللي كانت عندو علاقات جنسية خارج الزواج. كذاب لانو كيدير عكس اللي كيطالب بيه فكتبو ومناظراتو. طلع بحالو بحال هاديك فاطمة النجار وبنحماد ديال الاصلاح والتوحيد. كتساعد صاحبها على القذف حدا البحر مع الصباح وكتقول فخطابها الحقير للبنات “عين زنا” وهي مخدمة يديها وغير يديها. وبرر هاد لكذوب بحماية نفسه واسرته وباش حصل قال باللي الزنا مع مبادئ الاخلاق الاسلامية. حصل كيتناقض مع اللي كيدعو ليه

طارق رمضان قال باللي كذب باش قال ما كانش عندو علاقة جنسية مع اللي كيتاهموه بالاغتصاب. طيح كواريه بعد ما دوز اكثر من 9 اشهر متابع فحالة اعتقال قبل ما يقرر القاضي متابعو فحالة سراح مع حجز جواز سفرو وفرض حضور اسبوعي باش يبانتي فالكوميساريات.
الاسلامي الكذاب قال باللي كانت عندو علاقات جنسية مع هندة عياري وكريستيل وانو دار معاهم هاد الجنس الرضائي بلا عنف وباللي هو كاع ما هو عنيف

وباش طلب منو الصحافي واش ما خاصوش يعتاذر للضحايا رد باللا وانو يعتاذر من العائلة ومن المسلمين وكيطلب الصفح من الله.
طارق رمضان قدم باللي قضيتو فيها كثار داخلين كتاب من فرانسا بحال الان سورال وكارول فوريست..

طارق رمضان كيتحاكم بعد 5 نساء بشكايات تاهموه بالاغتصاب 

موضوعات أخرى

18/09/2019 17:00

إلى تدارت انتخابات فالمغرب بحال لي فتونس ويشارك فيها بنكيران لا منتمي لا شك أنه غادي يكتاسح حيت المغاربة طلعو ليهم الأحزاب فراسهم والسياسي الوحيد لي كان عليه إجماع عندهم راه شافوا كاملين كيفاش تخلى عليه حزبو من أجل السلطة