كود سبور//

عبر الدولي المغربي طارق تيسودالي على الفرحة ديالو حيث رجع للمنتخب الوطني المغربي بعد غياب طويل بسبب الإصابة، وأكد أن الحلم ديالو هو صحابو فليكيب ناسيونال يربحو كوب دافريك.

وقال طارق تيسودالي فتصريح لموقع الجامعة الملكية المغربية لكرة القدم فالمعسكر التدريبي المنتخب الوطني المغربي استعدادا للماتش أميكال ضد الرأس الأخضر: “أنا فرحان حيث كاين هنا، وجاو لاعبين جداد ولكروب كلشي فيه كيعاوني والمدرب كيعطيني كونفيونس والحلم ديالنا هو كأس إفريقيا وخاصنا نركزو عليه”

وكمل طارق تيسودالي وقال: “خاصنا نبقاو عائلة كيفما كنا فالمونديال ديال قطر وفالماتش ضد البرازيل ونكونو كروب واحد باش نجيبو كوب دافريك”