وكالات //

ميريكاني شداتو أزمة قلبية بالخلعة ومات فاش كان كيدفن جثة مرا قتلها.

المجرم، واللي سميتو “Joseph McKinnon” وفعمرو 60 عام، تعرفو عليه البوليس من بعد الشكاوي ديال جيرانو، واللي دخلو لدارو ولقاوه ميت وسط الجردة وحداه حفرة يلاه مردومة.

ومن بعد البحث، اكتاشفو بوليس كارولينا الجنوبية جثة صاحبتو “Patricia Dent”، وعمرها 65 عام، وعرفو أنها ماتت مخنوقة وتغلفات فميكات ديال الزبل وتحطات فحفرة وتردمات بالتراب وسط دار المجرم فمنطقة “Trenton”.