وكالات//

تعرض واحد الأستاذ بريطاني سميتو نيكولاس جونز (35 عام) لحادثة خطيرة بزاف فين كان كيدوز العطلة ديالو في كمبوديا، وهادشي جا بعدما زلق من البالكون ديال الدار ديالو لي كاينة في الطاج الرابع.

وفلت هاد السيد من الموت واخا طاح على الأرض، وتعرض لإصابات كيقولو أنها ماشي خطيرة.

على حساب مقال موقع “ميترو” البريطاني فهاد الراجل لي سميتو نيكولاس زلق بسبب الأرض لي كانت فازكة بالشتا وطاح من الفوق.

وأكد نفس الموقع أنهم هزو هاد السيد مباشرة للسبيطار ولكن صدم كاع الأطباء فين لقاو أنه ماتعرض لحتى شي إصابات في الرأس، ومعندو حتى شي نزيف داخلي.

وقالو أنه تهرس غير في رجليه، ودارو ليه عملية جراحية بسيطة.