كود سعيد الشاوي ///

سكوب اللي خرجاتو البارح “كود” على اعتقال الملياردير ورجل الاعمال جوناتان كاروش مالك شركة “گروب ناسيونال سبورتيڤ” فاوطيل بلاص دانفا فكازا البارح السبت 12 اكتوبر 2024 بدات فيه تفاصيل مثيرة.

حسب مصادر “كود” فهاد لملايري اللي عندو “سيتي كلوب” و”يونيك فيتنس كلوب” ما كانش مبحوث عليه غير فالمغرب على قبال شيكات٬ بل مبحوث عليه حتى ففرانسا وعليها ما كيدخلش ليها. قبل هاد الشي كان تحكم عليه ب8 اشهر حبس نافذ فقضية كتهم النصب.

البارح السبت٬ وفق مصادر “كود”٬ كان احتفال المغاربة من الديانة اليهودية بعيد الغفران المعروف ب”كيبور” وكان عدد منهم ساكنين فهاد لوطيل. عليها باش جاوه البوليس لاعتقالو كانت تدخلات كبيرة وكثيرة باش ما يديوهش. فاللول يسحاب ليهم غير على شيك وتعطات ضمانات باش يخلص٬ خصوصا ان المبلغ اللي كيهدرو عليه ماشي كبير عن ملايري بحالو وهو 200 مليون سنتيم٬ غير القضية ما كانتش ديك الساعة غير لشيك. لقاو معاه٬ كيف كشفات “كود” البارح جوج بنات وخدامات معاه.

بعد الفرقة الولائية اللي عتاقلاتو باشراف النيابة العامة٬ تحول الملف ديالو عند الفرقة الوطنية للشرطة القضائية. يعني القضية كبيرة. وجود جوج بنات خدامات عندو وكاين الكوكايين ومخدر اخر٬ راه القضية ولات اتجار بالبشر.

حسب مصادر “كود”٬ قضيتو بداو يوجدو ليها هادي مدة. الاتصالات على اعلى مستوى ما نقداتوش. بالاضافة الى تهمة الاتجار بالبشر كاين اتهامات بالتقواديت. شخصيات كبيرة كانت كتجي عندو سوا للڤيلا ديالو فكاليفورنيا سوا فلابارت ديالو