عن الوكالات ////

سباقا فورمولا 1 للسيارات اللي داخلين فالجائزة الكبرى فالبحرين والسعودية واللي كانو غيدارو الشهر الجاي ابريل تلغاو. هاد لشي بسباب الحرب على ايران كيف قال بيان ديال المنظمين.

واوضح البيان الصادر عن بطولة فورمولا 1 اللي كتملكها “ليبرتي ميديا” والاتحاد الدولي للسيارات بالإضافة إلى ​المنظمين المحليين بللي السباقين ما غاديش يتبدلو الشهر الجاي وعليه فعدد السباقات غيولي 22 عوض 24 هاد العام.

حلبة الصخير البحرينية كانت كتستاضف الجولة 4 هاد الموسم ف12 ابريل وبعدها بسيمانا كانت حلبة كورنيش جدة فالسعودية تستاضف الجولة 5 وبجوجهم كيتنظمو بالليل

ماشي غير الفورميلا 1 اللي لغات جولات كتدخل فالجائرة الكبرى. حتى جائرة قطر الكبرى فسباق الدراجات النارية ما غادياش دار فوقتها. هادي كانت غتكون فحلبة لوسيل وكتدخل فالجولة 4 وكانت غتنظم من 10 إلى 12 أبريل. المنظمون دابا كيهدرو على تأجيل لشهر نونبر

البيان ديال الدراجات قال باللي غتنظم ف8 نونبر بسباب “الوضع الجيوسياسي القائم في الشرق الأوسط”. ووضح انو “بعد دراسة دقيقة وتحليل شامل ​للجدول الزمني، تم اختيار الموعد الجديد لضمان الحد ​الأدنى من التأثير على جدول ​سباقات بطولة العالم للدراجات النارية”.