الرئيسية > آش واقع > ضربة معلم لديوانة مراكش.. قطري لقاوه مهرب 8 صقور ف جيت بريڤي : خذرهم باش ما يديروش الحس وصحاب الغابات دارو خطأ كبير
17/11/2021 19:30 آش واقع

ضربة معلم لديوانة مراكش.. قطري لقاوه مهرب 8 صقور ف جيت بريڤي : خذرهم باش ما يديروش الحس وصحاب الغابات دارو خطأ كبير

ضربة معلم لديوانة مراكش.. قطري لقاوه مهرب 8 صقور ف جيت بريڤي : خذرهم باش ما يديروش الحس وصحاب الغابات دارو خطأ كبير

هند لكلاوي – كود ///

علمت “كود” ان مصالح الجمارك بمراكش نقدات 8 صقور مغربية من خليجي عندو الجنسية القطرية، كان باغي يهربهم اليوم الاربعاء 17 نونبر 2021 بمطار لمنارة ف جيت بريڤي.

وفق معطيات حصلت عليها “كود” فان هاد القطري كان غادي فرحلة خاصة فاتجاه مدريد، لكن الديوانة طلعو قافزين. قلبو لقاو صقور مهددة بالانقراض مديورة فصيكان ومخدرهم باش ما يديرو حس.

وقد تم تسليم هاد الصقور النادرة المهددة بالانقراض للمياه والغابات فيما تم فتح تحقيق تحت اشراف النيابة العامة مع الخليجي.

المثير فالعملية ان صحاب المياه والغابات وفق مصدر منهم، فراسهم اختفاء الصقور، وكيبحثو على متهم، لكنهم ما خبروش الديوانة بالقضية.

وحسب مصادر “كود” فخبرة الديوانة فرشات هاد التهريب.

ثمن هاد الصقور وفق مصدر “كود” كيوصل ل800 الف درهم.

موضوعات أخرى

30/11/2021 13:20

نقابة “السي دي تي” كتطالب الحكومة بتعجيل فتح حوار اجتماعي ثلاثي الأطراف وكاعية على التراجع اللي وقع ف مرحلة العثماني وبنكيران

30/11/2021 13:00

مسافرون دوزو ساعات كحلة قبل ما يبدا تطبيق قرار تعليق الرحلات الجوية ف اتجاه المغرب.. شي بقا حاصل وشي شرا البيي ب4 دالمرات ثمنو