كود الرباط//

محمد اليعقوبي، والي جهة الرباط سلا القنيطرة، معقلش على المخلوضين فالعقار واخا كيقولو بلي عندهم نفوذ او كيتحداو القانون باسم شركات عالمية، بحيث قام مؤخرا بهدم فيلات راقية قبالت البحر فالهرهورة.

المفاجأة هاد المرة هي أن قرار الهدم شمل فيلات، يقال بأنها تابعة لأوطيل مشهور فالهرهورة، إضافة إلى هدم فيلات أخرين قريبة من صابل دور.

ويشار بأن اليعقوبي ماشي أول مرة كيتاخد قرار الهدم في حق مباني غير قانونية، بل كاينا هضرة بأن غايكلف أقوى رجل فالولاية باش يشد ملف التعمير فمدينة تمارة والصخيرات والهرهورة بسبب الفساد المسشتري فقطاع التعمير.