كود سعاد زرار ///
ضربة لوزيرة الانتقال الطاقي والتنمية المستدامة ليلى بنعلي. البارح الاثنين 10 يونيو 2024 بجماعة المهارزة الساحل بإقليم الجديدة عطى ولي العهد الأمير مولاي الحسن، انطلاقة أشغال إنجاز محطة تحلية مياه البحر للدار البيضاء. من اهم المشاريع فالبلاد وغادية تكون الاكبر فافريقيا باش تبدا الخدمة. قادرة على انتاج 300 مليون متر مكعب سنويا وتنهي مشاكل 7,5 مليون شخص.
مشروع كبير بزاف لقضية استراتيجية بحال الما. كيشكل هاد المشروع “جزءا مندمجا في محور “تطوير العرض المائي” في إطار البرنامج الوطني للتزويد بالماء الشروب ومياه السقي 2020-2027، الذي أطلقه جلالة الملك سنة 2020 والذي يرتقب أن تبلغ كلفته الإجمالية 143 مليار درهم”.
تدشين البارح حضرو طارق حمان المدير العام للمكتب الوطني للماء والكهرباء اللي كان تعين هادي ايام فمجلس وزاري وما حضراتش بنعلي اللي جابتو. حضر وزير التجهيز والنقل نزار بركة وحضر وزير الفلاحة محمد الصديقي وحضر الوزير المنتدب المكلف بالميزانية فوزي لقجع.
ابعادها مع ما نشرته الصحافة الاسترالية عن شكوك حول تضارب المصالح فعلاقتها مع ملياردير استرالي خدا مارشيات فبلادها فميدان الهيدروجين الاخضر٬ ضربة ليها وضربة لحزبها “البام” اللي خرج يدافع عليها
بنعلي كانت حضرات لجلسات على الما ترأسها سيدنا٬ اخرها يوم لثلاث 09 ماي 2023 اي هادي عام وشهر تقريبا كان رئيس الدولة الملك محمد السادس ترأس بالقصر الملكي بالرباط، “جلسة عمل خصصت لتتبع البرنامج الوطني للتزود بالماء الصالح للشرب ومياه السقي 2020-2027”. وفهادي اللي كيندارج فيها مشروع تحلية مياه البحر ديال كازا٬ وفهاد “الجلسة” حضرات وزيرة الانتقال الطاقي والتنمية المستدامة ليلى بنعلي. طبعا هادا كيهم القطاع اللي مشرفة عليه.
