گود سبور//

ضربة قوية تلقاها الإسباني كارلوس ألكاراز المصنف الثاني عالميا فالتنس وضربة قوية حتى لبطولة رولان گاروس الفرنسية للتنس، حيث ما غاديش يشارك بسبب الاصابة.

وأعلن كارلوس ألكاراز قبل لحظات من اليوم الجمعة، انه ما غاديش يشارك فبطولة رولان گاروس للتنس، وقال فإنستغرام: “بعد نتائج الفحوصات الطبية اللي درتها اليوم، قررنا ان القرار المزيان هو ما نشاركش فبطولة روما ورولان گاروس، بينما تأكدنا مزيان من الحالة الصحية ديالي ونقررو امتى نرجع نلعب”.

وقال حامل لقب رولان گاروس 2025 و 2024: “هذا وقت صعيب بالنسبة ليا، ولكن تايق فراسي غادي نتخطى هاد المحنة”.