كود سبور//

سالا الموسم عند النجم البرازيلي نيمار جونيور لاعب الهلال السعودي، بسبب الاصابة اللي تعرض لها فماتش البرازيل والأوروغواي، ضمن اقصائيات أمريكا الجنوبية لكاس العالم 2026.

وعلن الهلال السعودي، أن النجم ديالو نيمار دار فحوصات طبية وكشفت أنه تقطع له الرباط الصليبي والغضروف ديال ركبتو، وأنه غيدير عملية جراحية من بعد، وبرنامج علاجي يتحدّد مدته بعد العملية.

وكيتعتبر نيمار من أبرز الصفقات اللي تدارت فالبطولة السعودية خلال الصيف الماضي، والحرمان من الخدمات ديالو ضربة صعيبة بالنسبة للهلال السعودية، حيث الصفقة ديالو تخسرت فيها الملايين دولارات.