گود سبور//

ضربة قاصحة للمنتخب الوطني المغربي المشارك فـ كاس العرب 2025 اللي بدات اليوم الاثنين بقطر، حيث أشرف بنشرقي اللي واحد من العناصر المعول عليها تقدر تحرمو الاصابة من المشاركة فـ البطولة، وهذا الشي اللي كشف عليه طبيب الفريق ديال الأهلي المصري.

وفـ بيان خرجوه الاهلي المصري قبل لحظات من مساء اليوم الاثنين، كشف طبيب الفريق أحمد جاب الله، أن الأشعة اللي دارها أشرف بنشرقي، بينت ان عندو تمزق فـ العضلة الخلفية، ووضح أنه وبعد التنسيق مع وليد صلاح الدين مدير الكرة بالأهلي تم التواصل مع الطاقم التقني للمنتخب المغربي المشارك فـ بطولة كأس العرب لمتابعة حالة اللاعب والبرنامج الخاص بالعلاج ديالو فـ المرحلة الأولى.

وقال طبيب الاهلي انه كاين مراقبة له واش يقدر يلعب ماتشات كاس العرب، وإمكانية يرجع إلى القاهرة يكمل فترة العلاج والتأهيل.

وكان طارق السكتيوي اعلن صباح اليوم الاثنين، أن أشرف بنشرقي ما غاديش يلعب مع المنتخب الوطني المغربي الجوج ماتشات الأولين فـ كاس العرب، بسبب الإشضصابة اللي عندو من ماتش الاهلي والجيش الملكي فـ دوري ابطال افريقيا الجمعة اللي فات.