گود سبور//

تلقى فريق المغرب الفاسي ضربة قاصحة، بإصابة المدافع عادل الرحيلي اللي هو واحد من الركائز الفريق، وهذا الشي مع بداية الموسم الجديد.

ودار عادل الرحيلي عملية جراحية ناجحة فالركبة اليمنى ديالو، وغادي يگلس تقريبا شهر باش يتعالج ويرتاح، والحسم فالرجوع ديالو للتيران غادي يكون حسب تطور حالتو الصحية واستجابتو لبرنامج التأهيل.

وداخلين المغرب الفاسي بحال گاع فرق البطولة الاحترافية على بداية الموسم، إضافة إلى مشاركة الفريق فدوري أبطال إفريقيا، وإصابة المدافع عادل الرحيلي فهاد الوقت والغياب ديالو لمدة شهر تعتبر خسارة للفريق.