سامي العلوي -كود كازا //

تمكنات عناصر الجوندارم بالمركز الترابي السعادة، التابع لدرك سرية 2 مارس بالقيادة الجهوية فكازا، من ضبط كمية كبيرة ديال المخدرات مخبية بإحكام وسط صخور رخامية مستوردة، بمنطقة أولاد عزوز فإقليم النواصر والتي بلغ وزنها حوالي 4 طن ونصف والتي رجحت مصادرنا أنها كانت غاديا برا.

تفاصيل ضبط هذا الكمية ديال الحشيش كتعود، حينما توصلت مصالح الدرك ببلاغ من العاملين في شي وحدة صناعية ديال تقطيع الرخام مفاده أنه أثناء تقطيع الرخام تم وجود  شحنة ديال المخدرات وسط الصخور الرخامية اللي جات لوحدة صناعية متخصصة فتصدير واستيراد الرخام، كتواجد بطريق مولاي التهامي، الرابطة بين كازا وحد السوالم.

مصدر “كود “، أكد أن الحادث استنفر القيادة الجهوية ديال الجندارم لي فكازا ولي دات لعين المكان، حيت تم حجز الكمية الكبيرة ديال الحشيش او تم الاستماع للممثل القانوني ديال الشركة اللي جاو ليها الصخور، واللي قدم وثائق الشحنة للمصالح الدركية.

وأضاف المصدر نفسه، انأن الجندارم فتح تحقيق تحت إشراف النيابة العامة المختصة، بهدف الوصول لكل المتورطين فهاد القضية اللي كتشير لاحتمال وجود شبكة متورطة فالتهريب على الصعيد الوطني والدولي.