كود سبور//

غايتحرم فريق نهضة بركان من الكابيتان ديالو يوسوفو دايو، فالماتش الجاي المهم ضد الوداد الرياضي، برسم الدورة 8 من البطولة الاحترافية لكرة القدم.

وتوعت البوكينابي يوسوفو دايو فالتداريب ديال نهضة، وكشفت الفحوصات الطبية انه موعت فالعضلة الضامة ديال رجلى، وعندو اصابة من الدرجة الاولى، وهذا الشي غايخليه ما يلعبش لمدة 10 أيام.

وبهذا تأكد غياب يوسوفو دايو على النهضة البركانية فالماتش ديال الفريق السبت الجاي ضد الوداد الرياضي برسم الدورة 8 من البطولة الاحترافية، وقبل منها ماتش اليوم ضد شباب السوالم فبركان برسم الدورة 7، مع العلم أن دايو هو عنصر مهم فالدفاع ديال البركانيين.