كود سبور//

تلقاو الجيش الملكي متصدري البطولة الاحترافية، ضربة خايبة قبل 3 الماتشات من نهاية البطولة الاحترافية، وتوعت لهم لاعب مزيان وسالا ليه الموسم.

وعلنو ليفار، اليوم الخميس، أن الطاقم الطبي للنادي دار فحص بالرنين المغناطيسي للاعب حاتم الصوابي، اللي موعت  فالشوفيا، وكشفت هاد الفحوصات الدقيقة أن اللاعب الصوابي كيعاني من كسر الإجهاد على مستوى عظمة الساق.

وحسب الجيش الملكي فاللاعب حاتم الصوابي اللي كيتعتبر من ركائز الفريق غايغيب لمدة تتراوح بين 4 إلى 6 أسابيع، وفق ما حدده الطاقم الطبي.