كود سبور//

توعت احسن لاعب فالرجاء الرياضي، اللي هو ادم النفاتي وهذا الشي ضربة خايبة للفريق الأخضر.

وتعرض ادم النفاتي لتمزق جزئي على مستوى الوتر العلوي للعضلة الضامة للفخذ ليسيري، حسب ما كشفت عليه الفحوصات الطبية اللي دارها اللاعب.

الطاقم الطبي للرجاء الرياضي حدد مدة ادم النفاتي لثلاثة السيمانات، غادي يدير فيهم برنامج علاجي وتأهيلي، عاد يبدا يرجع يتريني مع الگروب.

بهذا الشي كاتضرب إصابة جديدة الرجاء الرياضي، بعد إصابة كل ايمن برقوق ومحمد مكعازي اللي موعتين وما كايلعبوش.