وكالات//

الأغنية ديال “هيل هتلر” (Heil Hitler) للمغني الأمريكي كاني ويست دارت ملايين المشاهدات فبلاتفورم إكس (Twitterسابقاً) من نهار خرجات فـ 8 ماي، مع أن الأغنية تحيدات من بزاف ديال المنصات الكبرى بحال يوتيوب.

من بعد ما كان كتب تدوينات بحال “كنحب هتلر”، الحساب ديال كاني ويست اختفى من منصة إكس.

فالحساب ديالو على إكس، الفيديو اللي حطّ فذكرى نهاية الحرب العالمية الثانية، وصل لحوالي 10 مليون مشاهدة حتى نهار الأحد.

فالكليب، كيبانو مجموعة ديال الأمريكيين السُود لابسين جلود ديال الحيوانات، وكيغنّيو كلمات الأغنية اللي كتمجّد أدولف هتلر، اللي كان سبب فإبادة حوالي ستة مليون يهودي فـ أوروبا ما بين 1933 و1945. وكاتسالي الأغنية بخطاب ديال هتلر نفسو.

من نهار خذا إيلون ماسك تويتر فآخر 2022 وبدّل سميتو لإكس، قرّر يخلي الخطاب ديال الكراهية والمعلومات الكاذبة تبقى فالمنصة.

يوتيوب قررات تحيد الأغنية وقالت أنها غادي تبقى تحيد أي نسخة جديدة كتتحمّل على البلاتفورم، حسب بيان من قناةNBC News .

وحتى منصة “Reddit” قالت بلي غادي تحيد أي تحميل للأغنية من عندها، وصرّح ناطق باسمهم: “الكراهية ومعاداة السامية ما عندها حتى بلاصة على “Reddit”.

وزيادة على هاد الشي، الأغنية تحيدات حتى من سبوتيفاي وآبل ميوزيك، اللي هما من أكبر المنصات ديال الموسيقى.