كريم الشركي – كود //
راسل رئيس جمعية “مفقودي البوليساريو”، الداهي أكاي، البارح الإثنين، رئيس حكومة جزر الكناري، فرسالة اطلعت عليها “كًود”، كيهضر فيها على العلاقات التاريخية بين الصحراويين والكناريين.
وهضر أكاي فالرسالة أيضا على التعذيب والاختفاء القسري اللي تورطات فيه جبهة الإنفصاليين داخل مخيمات تندوف، بقيادة واحد من وحوش التعذيب وهو النسمى “مولود لحسن”.
وفالرسالة طالب أكاي من رئيس حكومة جزر الكناري مايقدموش المساعدة لهاد المدعو “مولود لحسن”، اللي كاين فأرخبيل الكناري، وهو اللي تقدمات بيه شكاية ضمن لائحة طويلة من جلادي البوليساريو المتهمين بقتل وتعذيب واختطاف الصحراويين.
