الرئيسية > كود-تيفي > ضحايا أكبر عملية نصب فتاريخ المغرب مشروع “باب دارنا” كيحملو المسؤولية لحسن الفد ومحمد الخياري وسكينة درابيل -فيديو
27/01/2020 14:00 كود-تيفي

ضحايا أكبر عملية نصب فتاريخ المغرب مشروع “باب دارنا” كيحملو المسؤولية لحسن الفد ومحمد الخياري وسكينة درابيل -فيديو

ضحايا أكبر عملية نصب فتاريخ المغرب مشروع “باب دارنا” كيحملو المسؤولية لحسن الفد ومحمد الخياري وسكينة درابيل -فيديو

نجوى المالحي-كود//

ضحايا مشروع “باب دارنا”  لي العدد ديالهم كثر من 800 من مختلف بلدان العالم مشات ليهم 70 مليار سنتيم ومازال كيتحسرو على وقوعهم في أكبر عملية نصب في تاريخ العقار في المغرب.

هاد الناس كيخرجو ويديرو وقفات احتجاجية باش يلفتو الأنظار للضرر لي تعرضو ليه بسبب النصاب لي دا ليهم فلوسهم وخلاهم وسط مشاكيل قد السخط.

وقالو الضحايا أن جزء من المسؤولية كيحملوها للممثلين لي دارو الاشهار منهم حسن الفد ومحمد الخياري وسكينة درابيل.

وقالت المتحدثة باسم الضحايا “الفنانين كان خاصكم تأكدو من الناس لي كديرو ليهم الاشهار ماشي غير تابعين الفلوس. بسبابكم نتوما تنصب علينا حنا. حنا دايرين فيكم ثقة وشفناكم في اشهار رمضان قبل الفطور. حتى نتوما مشاركين فهاد الجريمة”.

وأضافت “صدمتونا وخليتونا نتيقو في المشروع وفي الأخير الباب هو اللخر ملقيناهش. وبطريقة أو بأخرى نتوما مسؤولين حيت تنصب علينا حنا بعدما تقنا فالاشهار لي درتو”.

وكيف قلنا سابقا، الفد والخياري درابيل خاص يعرفو معامن كيخدمو، وكان أقل حاجة من بعد وصول القضية للمحكمة يديرو اعتذار للمغاربة لأنهم بطريقة أو بأخرى مشاركين فهاد العملية.

موضوعات أخرى