الرئيسية > تبركيك > ضباط صبلونيين متقاعدين ما عجبهمش التامبر المغربي اللي كيخلد مئوية معركة أنوال.. ومواقع اسبانية : المغرب رجع الخطابي حال القديس يعقوب
22/10/2021 20:00 تبركيك

ضباط صبلونيين متقاعدين ما عجبهمش التامبر المغربي اللي كيخلد مئوية معركة أنوال.. ومواقع اسبانية : المغرب رجع الخطابي حال القديس يعقوب

ضباط صبلونيين متقاعدين ما عجبهمش التامبر المغربي اللي كيخلد مئوية معركة أنوال.. ومواقع اسبانية : المغرب رجع الخطابي حال القديس يعقوب

كريم الصوفي – كود//

[email protected]

عكس الاحتفال الاسباني البارد ل ما يعرف ف أدبيات التاريخ العسكري الحديث لإسبانيا ب الكارثة السنوية لمعركة أنوال اللي عرفات مقتل حوالي 10 آلاف عسكري صبليوني بمنطقة الريف، اختار بريد المغرب مع بداية الشهر الحالي تخليد مئوية الذكرى بطابع بريدي احتفاءا بالمقاومين اللي شاركوا في هاذ المعركة التاريخية، لكن هاذ التامبر ما عجبش البعض ف اسبانيا.

مواقع اسبانية نبشات في التفاصيل المرتبطة بهاذ الاصدار البريدي اللي بان فيه الخطابي راكب عود بيض واقف على رجليه وسط جنود قتلى لابسين الزي النظامي للجيش الاسباني ف هذاك الوقت، وقالت ان صورة هاذ التامبر وصلات إلى بعض كبار الضباط المتقاعدين من القوات المسلحة الاسبانية اللي ما عجبهمش الحال ومقدروش يخفيو السخط ديالهم واعتبرو ان اصدار هاذ التامبر بهاذ الشكل هو حركة مدروسة للغاية من قبل المغرب، بسبب بعض تفاصيل اللوحة التي تنعكس في الطابع المذكور.

وأضافت التقارير ذاتها، أن اظهار المتمرد الخطابي بهذاك الشكل، فيه محاولة لتشبيهه ب القديس يعقوب (قاتل المورو) والمعروف عند الاسبان ب “سانتياغو ماتاموروس” اللي شارك مع القوات المسيحيين ضد مسلمي الأندلس في معركة كلافيخو الأسطورية اللي سالات بانتصار الملك راميرو الأول ملك أستورياس ضد مسلمي إمارة قرطبة واللي كاينة اعمال فنية كيبان فيها راكب حتا هو فوق عود بيض واقف على جوج رجلين على جثت جنود مسلمين.

https://www.elconfidencialdigital.com/articulo/el_chivato/marruecos-convierte-rebelde-abd-krim-santiago-matamoros/20211020174516291399.html

موضوعات أخرى

29/11/2021 23:00

ها الصح.. المغرب هو البلد الإفريقي الوحيد اللي قرب من المعايير الأوروبية الخاصة بنسب التلقيح ضد كورونا.. 60 فالمية من السكان خداو الفاكسان و الدزاير مليوحة اللور ب 11 فالمية