كود – كازا ///

قال موقع “antena3″، أن ضباط شرطة إسبان قدرو يحبطو محاولة انتحار شاب من أصل مغربي وكيبلغ من العمر 23 عام، بعد تهديده برمي نفسه من أعلى عمارة قيد الإنشاء. بوليس محلي هو اللي شاف الواقعة ومشا كيطلب المساعدة من ضباط فالشرطة الوطنية تلاقى بهم فـمحيط الواقعة.

وحسب المصادر ذاتها، هاد الضباط قدرو يطلعو للسطح اللي فيه المغربي وقدرو يقنعوه بعدم الانتحار. كانو كيهضرو معاه وكيسمعو للمشاكل اللي عندو. قال ليهم عندو بنت رضيعة فعمرها 3 شهر ومشاكل مالية واجتماعية ومبقاش قادر يواجه مصاعب الحياة.. بعد تسليم الشاب راسو للبوليس تم نقله لتقلي علاج نفسي وقائي من قبل خدمات الطوارئ، كما شكر الشاب الشرطة على ما فعلوه.