كود كازا ///

منصف بلخياط من نهار خرج من السياسة بعد ما خرج من الوزارة وهو مقابل البيزنس. ولى ديما حاضر فلخبارات. هاهو شرا هاد الشركة فالاشغال العمومية ها هو شرا لحوانت ها ماركات لقهاوي…. هاد ليام دار لافير من خلال شركة “جيدنا” للاشغال العمومية اللي كان شرا فيها 25 بالمائة هادي عام.

شركتو او الشركة اللي مساهم فيها بالربع خذات مارشي كبير ديال 9 محطات جديدة ديال مشورع لقطار الجهوي السريع فكازا وقيمة المارشي 470 مليون درهم بلا رسوم.

فهاد المارشي ربح 2 صفقات الاولى ديال 4 محطات وهي المحمدية وزناتة الصناعية والسيدي البرنوصي والحي المحمدي وقيمتها 214 مليون درهم والثانية فيها 5 المحطات وهي الحي المحمدي ومرس السلطان والوازيس وسيدي معروف والنواصر الجديدة وقيمتها 256 مليون درهم

دابا منصف بلخياط باش خرج من الاحرار اللي دخل ليها مباشرة لوزارة الشبيبة والرياضة وهو ياخد مسافة من حزب لحمامة. اليوم ولى كيدعم بشكل غير مباشر شوية الاستقلال وشوية البام ولكن مركز بزاف على البينزس