كود – وكالات//

توفى مواطن أمريكي عندو 75 عام، بعدما تعرض لهجوم من طرف الفيلة وسط غابة فـالغابون، حسب ما فادت به مصادر إعلامية.

الضحية، اللي سميتو إرني دوسيو، كان مشارك فواحد رحلة صيد منظمة من طرف شرك Collect Africa، وخلص 40 ألف دولار باش يصيد نوع غابر من الغزلان الإفريقية.

وفالدورة ديالو فالغابة نهار 17 أبريل، تصادف الضحية مع سىب مكوّن من خمسة ديال الفيال مع ولادهم، الفيلة هاجمات على غفلة بعدما حسّات بالخطر، الشي لي خلا السيد دوز عليه الفيلة وتقتلو، المرشد اللي كان مرافقو تعرّض حتى هو لإصابات خطيرة.

الضحية كان معروف بعضويتو فـ Sacramento Safari Club، وعندو مجموعة كبيرة من تروفيات الصيد.

الصيد فإفريقيا مازال قانوني، وكيتدار بزاف خصوصاً من طرف الأغنياء، خاصة الأمريكيين، فـ 2017، إدارة دونالد ترامب رجعات سمحات بإدخال تروفيات ديال الفيلة لأمريكا بعدما كانت ممنوعة فـ وقت باراك أوباما، حتى ولد ترامب، دونالد ترامب جونيور، معروف بلي كيتصوّر بزاف مع الحيوانات اللي كيصيد.

الغابون كتعتبر من آخر المناطق الطبيعية الكبيرة فإفريقيا، حيث تقريباً 90% من الأراضي ديالها غابة، وكاين فيها حوالي 95 ألف فيل ديال الغابة، يعني أكثر من نص العدد العالمي ديال هاد النوع.