الرئيسية > الزين والحداكة > صونداج بين ان الناس ماعندهاش مع عيد لكبير.. و82 فالمية منهم عيالات
24/07/2021 12:00 الزين والحداكة

صونداج بين ان الناس ماعندهاش مع عيد لكبير.. و82 فالمية منهم عيالات

صونداج بين ان الناس ماعندهاش مع عيد لكبير.. و82 فالمية منهم عيالات

عفراء علوي محمدي- كود//

دار نبيل بحار، الفاعل الحقوقي اللي كيشغل منصب المدير التنفيذي بالهيئة المغربية لحقوق الإنسان، صونداج خفيف ظريف فستورياتو على “فيسبوك”, باش يسول المتابعين واش الناس عندهم مع عيد الكبير ولا لا.

والمفاجأة، هي أن الصونداج اللي شاركو فيه 133 شخص، تبين من خلالو أن الاغلبية ماعندهمش مع هذ العيد، أي تقريبا 53 فالمية ضدو، مقابل 47 فالمية معاه.

وفتعليقو على هذشي، قال بحار، فستوريات: “بزاف ديال الناس قالولي أنهم ماكرهوش عوض يدوزو طقوس عيد الاضحى، يمشيو يسافرو او يديرو شي حاجة أخرى من غير هذشي، ولكن إما لأسباب عائلية او أسرية أو مجتمعية ماكيقدروش يديرو داكشي اللي باغيين”.


وفالتفاصيل، كشف بحار ان 62 مع الاحتفال بالعيد بنسبة 47 فالمية، 20 منهم ولاد، أي نسبة الدراري اللي مع الاحتفال بالعيد 32 فالمية.

بينما 71 ضد الاحتفال بالعيد الكبير، بنسبة 53 فالمية، ضمنهم 13 ولد فقط بنسبة 18 فالمية، أما 82 فالمية اللي بقات فهوما بنات عبرو على كرههم لعيد لكبير.


وعزا بحار هذشي لأن البنات غالبا كيكرهو العيد بسباب التمييز المبني على الجنس، حيت العيد بالنسبة ليهم هي الكوزينة والشقا، فيحين خوتهم الذكور كتسالي مهمتهم فالذبح فقط.

موضوعات أخرى

18/09/2021 13:30

جهة فاس مكناس.. انتخاب نوفل شباط رئيس لجماعة “برارحة” والفايق خدا الرئاسة فـ جماعة ولاد الطيب بالأغلبية ولعفو فـ جماعة عين الشقف والبوزيدي فـ تاونات