هناء ابو علي كود – كازا////
تنفرد “كود” بنشر صور حصرية اثناء عودة الجينرال خالد نزار للجزائر فطائرة خاصة من الصبليون. وسائل اعلام جزائرية كانت هدرات على العودة ولكن حنا غاديين نشرو صورتها.
دارو ليه تحية عسكرية وبحال ايلى جابوه على عجل باش يحكم بلاد كلشي فيها مريض.
دابا هاد الجينرال كان هارب للصبليون وخرجات فحقو مذكرة بحث دولية وتصدر ضدو حكم بـ20 عام حبس نافذ من قبل محكمة عسكرية فبلادو بتهمتي “المساس بسلطة الجيش والتآمر ضد سلطة الدولة”.
كلشي هاد الشي حيدوه بعد ما ضربهم المغرب وغير بالديبلوماسية. جرى علي شي قيوشة من البوليساريو كانو فالكركرات ثم جات الضربة لكبيرة وهي اعتراف اميركا بمغربية الصحراء.
رجعوه وسقطو عليه كاع التهم والغاء مذكرة البحث الدولية وارجاع كاع ممتلكاتو.
نزار هو مهندس الحرب في الصحراء وهو منشيء مليشيات البوليساريو. دابا ما تبقاش فيك الجزاير. مسكينة كتستدعي “الاموات” باش ترجع تتحارب مع المغرب. 
