وكالات//

نايضا روينة على المغنية اللبنانية نانسي عجرم بسبب الصور ديالها مع واحد المدون إسرائيلي معروف، وهي الصورة لي نشراتها الصحافة ديال إسرائيل.

بزاف ديال المواقع الإسرائيلية نشرات الصورة ديالها مع المدون المشهور “إيزيك بلس”، والتدوينة ديالو على المغنية اللبنانية المشهورة.

وكتب المدون على الكونط ديالو أنستغرام أنه “فرحان بزاف حينت تلاقيت مع نانسي عجرم، هي حب قلبي”.

واستغلت الصحافة ديال إسرائيل المناسبة وقالت أن نانسي عجرم غنات بزاف ديال الحفلات ديال الصهاينة في نيويورك.

هادشي نوض روينة على مواقع التواصل الاجتماعي، وشي كيهاجمها وشي كيقول بأنها ميمكنش ليها تسول أي واحد كيتصور معاها شكون انت.