وكالات//
قرر الموقع ديال “إكس” أنه يرفع المنع لي كان داير على البحث على اسم المغنية الميريكانية المشهورة تايلور سويفت، لي كان دارو بسباب واحد الصورة ديالها عريانة.
وقال جو بيناروك، رئيس العمليات التجاربة في الموقع، أنه دابا راه عاودو فعلو المحركات ديال البحث، وغادي يقدرو دابا المتصفحين يقلبو عليها.
ولكن قالو كذلك، أن الموقع غادي يبقى ديما حاضي مع كاع المحاولات باش ينشرو هاد المحتوى وغاد يحيدو.
ونتاشرات واحد الصورة كتبين تايلور سويفت عريانة وفوضعية خايبة بزاف مؤخرا، وقرر “إكس” أنه يحيدها ويمنع حتى البحث عليها.
وقالت الصحافة فميريكان أن الصورة مفبركة وماشي حقيقية.
وغير تصويرة وحدة من ديك الصور لي نتاشرات ديال تايلور سويفت تشافت بوحدها 47 مليون مرة.
