الرئيسية > تبركيك > صورة كتقلق وكتضرب هبة مؤسسة رئاسة الحكومة. شي تريتورة دايرة يدها فجيبها بوقاحة ومصورة مع بنعرفة وهو كيفرنس
08/06/2021 18:00 تبركيك

صورة كتقلق وكتضرب هبة مؤسسة رئاسة الحكومة. شي تريتورة دايرة يدها فجيبها بوقاحة ومصورة مع بنعرفة وهو كيفرنس

صورة كتقلق وكتضرب هبة مؤسسة رئاسة الحكومة. شي تريتورة دايرة يدها فجيبها بوقاحة ومصورة مع بنعرفة وهو كيفرنس

أنس العمري ـ كود ////


رئيس الحكومة غير كيخربق. كيضر مؤسسة رئاسة الحكومة. اليوم الثلاث واحد التريتورة جات عندو لمقر رئيس الحكومة باش دير معاه اجتماع باعتبارها عضوة بفيدارالية مموني الحفلات. القطاع بحالو بحال عدد من القطاعات كلى لعصا بزاف. يمكن هو كثر.

ما علينا. هاد التريتورة دارت مع بنعرفة صورة فمكتبو. دايرة نعام اسيدي يديها فجيبها وواقفة حداه وهو كيفرنس. اش هاد الشي. اش واقع. صورتها بعدا كتبين باللي القطاع ما كيعاني من والو. شكلها وتعابير وجهها ماشي ديال وحدة فقطاع غادي لفاييت.

هاد التريتورة واسمها نادية وهي شي نائبة فشي حاجة نشرات فيديو كتهدر فيه بالاوامر. كتأمر رئيس الحكومة: خاص وخاص وخاص. ايلى ما تعرف حتى تميز تختار الكلمات حسب السياق غير دير فاييت. هادي كتخدم فقطاع فيه الايتيكيت مهم بزاف. الكلمة اساسية.

عبارة خاصكم. ما يمكنش لشي حد يوظفها فلقاء مع رئيس حكومة وجايين يطلبوه يحقق ليهم مطالبهم. زهرها طاحت مع بنعرفة غير يفرنس. كيعطيك الانطباع باللي فاتح مكتبو اللي كان دايز من الرباط.

القطاع محتاج للدعم. الطريقة ديال التريتورة خايبة. اللقاء، ووفق ما توفر ل “كود” من معطيات، مر في ظروف جيدة، واستمع فيه كل طرف للآخر، وتقدمات فيها مقترحات للتخفيف من تداعيات هذه الأزمة الصحية على القطاع، واللي كثير من هادوك اللي استثمرو فالقطاع غاديين يديرو فاييت.

وكيفما هو معلوم فإن هذه المقتراحات قد يأخذ بها أو قد لا يجري حتى وضعها على طاولة الدراسة، وذلك بناء على نوعية الوعد المقدم والجهة الصادرة عنه وما إذا كانت قادرة على جعل ما تم مناقشته قابلا للتطبيق.. وهذه الظروف والأجواء هي غالبا المنتظرة في هذا النوع من اللقاءات. لكن الذي لا يكون منتظرا هو نوعية الانطباع الذي قد يتركه البعض من خلال سلوكاتهم، كما حدث مع نادية الطالبي، نائبة رئيس فيدرالية مموني الحفلات.

موضوعات أخرى

19/06/2021 16:00

أكبر سبب في إكتظاظ السجون والوضعية المزرية لي كيعيشوها راه هو الإعتقال الإحتياطي، عوض تستافد الدولة من هاد الناس بالكفالات وحتى هوما في حالة كانو أبرياء ميكونوش تكرفصو في الحبس على والو

19/06/2021 15:30

السطوك تقاضا وقريب يبداو فالدفعة اللي توصل بيها المغرب اليوم.. غير 530 اللي خداو الجرعة اللولة من الفاكسان ضد كورونا و61 ألف خداو الثانية