أحمد الطيب – كود تطوان /////
صورة صادمة كتبين عدد من الحراكة لي كانوا غادي يمشيو للضفة الأخرى محاصرين من طرف القوات المساعدة، وهوما هازين اليدين ديالهم ويحمل أحدهم آثار بارزة العنف على ظهرو لكن واش عنف صحيح او ماشي صحيح مزال تحاول “كود” التأكد.
مصادر محلية هضرات معاها “كود” قالت باللي الصورة صحيحة لكن مزال ممعروفش داك لبلاصة فين، غير أن مصدر آخر نفى صحة داك الصورة وقال بلي ماشي صحيح لكن يؤكد في المقابل بلي مزال كتشوف الجهات الرسمية واش صحيحة او للا.
مصدر آخر أكد ل”كود” أن داك المهاجرين غالبا كانوا جايين من البحر قبل ضبطهم، وهاد المصدر رجع وضح أنو يرجح أن داك الضرب اللي باين فجسد شي مهاجر يقدر يكون عندو علاقة بالسياج الحديدي. لكن مزال دبا كتحاول الجهات الرسمية تتأكد من كولشي وغالبا غادي تخرج بشي بيان رسمي فور تجميع المعطيات الدقيقة.
