كود سبور//

بداو ماميلودي صن داونز الجنوب إفريقي منافسات السوبر ليك الإفريقي مزيان، ودارو رجلهم الأولى فالدومي فينال.

ماميلودي صن داونز اللي كيلعب معهم المدافع المغربي عبد المنعم بوطويل، ربحو اليوم السبت فماتش ذهاب ربع النهائي بيترو أتلتيكو الأنكولي فأنكولا، بنتيجة 2 لزيرو.

للاشارة فالتأهل من ماميلودي صن داونز الجنوب إفريقي وبيترو أتلتيكو الأنكولي غيلعب فالدومي فينال مع الرابح من الأهلي المصري وسيمبا التنزاني، واللي تعادلو فتنزانيا البارح بجوج لجوج فالألي ديال ربع النهاية.