كود الرباط//
قال رئيس الحكومة عزيز أخنوش، بلي الجدل لي كان عليه صفقة تحلية مياه الدار البيضاء لي ربحاتها مجموعة اسبانية ومعها شركات مغربية، كله “سياسي” وبهدف سياسي من طرف خصوم عجزوا عن إنجاز محطة التحلية في السنوات السابقة.
وأوضح أخنوش، خلال مروره على قناتي الأولى ودوزيم مساء اليوم، بلي “الصفقة كانت شفافة وقانونية..والمنافسين حضرو لطلب العروض، وتعطى أفضل ثمن ف العالم “.
وشدد أخنوش بالقول :”هذا استثمار مليار وماشي دعم.. ومكاينش دعم من الدولة والناس كتستثمر فبلادها وفين كاين الاشكال”.
وأشار اخنوش بلي محطة تحلية الدار البيضاء مدارتش فوقتها ولقينا كازا ورباط مهددتين بالعطش، موضحا :”لي طلعو هادشي بغاو يديرو البوز باش يخبيو على علاش مدارتش المحطة فكاز ومدارش حتى طلب عروض”.
