الرئيسية > آراء > صفقة القرن الفلسطنيين وماعارفينش شنو فيها وباقا متعرضات عليهم والمغاربة حيت عندهم الداكا دايرين مظاهرة ضدها، راه إلى بغا الواحد يضرب دورة فالرباط راه ميمنعو حد، ماشي ضروري يعطي لهاد الدورة طابع نضالي
24/06/2019 15:00 آراء

صفقة القرن الفلسطنيين وماعارفينش شنو فيها وباقا متعرضات عليهم والمغاربة حيت عندهم الداكا دايرين مظاهرة ضدها، راه إلى بغا الواحد يضرب دورة فالرباط راه ميمنعو حد، ماشي ضروري يعطي لهاد الدورة طابع نضالي

صفقة القرن الفلسطنيين وماعارفينش شنو فيها وباقا متعرضات عليهم والمغاربة حيت عندهم الداكا دايرين مظاهرة ضدها، راه إلى بغا الواحد يضرب دورة فالرباط راه ميمنعو حد، ماشي ضروري يعطي لهاد الدورة طابع نضالي

محمد سقراط-كود//

قبل من المسيرة ديال اليوم عمري كلفت راسي عناء نقلب على شناهي هاد صفقة القرن وشنو البنود والشروط ديالها، لي كنت عارف هو أن نسيب ترامب جايب شي بيعو وشرية وراه كيدور على العواصم العربية كيقلب ليمن يلصقها، وكنت معتابر الأمر لا مكيهمنيش وحتى الفضول ماجانيش جهتها مادام أنها كتعلق بالفيلسطنيين، ولكن ليوم ملي شفت الخوانجية وأعدائهم التاريخيين اليساريين دايرين يد في يد وخارجين ينددو بهاد الصفقة قلت أرى نقلب عليها فكوكل، ومن بعد بحث بسيط تبين أنها لحد الآن باقي متعرضات والشروط والبنود ديالها كاع ممعروفة كلها، وباقا متعرضاتش على أطراف النزاع أصلا، إذن شنو لي مخلي واحد من الشماعية مثلا يشد الطريق حتى للرباط باش يدير مسيرة ضد صفقة القرن معنيين بيها فقط أطراف النزاع فالشرق الأوسط.

فيلسطين بيعة وشرية مربحة هادي عشرات السنين للأنظمة وللقادة تما وللمناضلين هنا، قضية تستنزفات بقوة الإستغلال وحاليا كابر جيل قاطع العلاقة مع هاد التهرطيق ديال ليهود المغتصبين كيقتلو خوتنا ففلسطين، بقاو واحد الشوية ديال حراس المعبد وإلى ورثوا هاد لحماق لولادهم أو أقربائهم وصافي، أما منطقيا راه لحماق أنه كاين لي خارج فالرباط ضد أمر كيعني ناس فآخر العالم، إييه العالم العربي والإسلامي وفلسطين قضية كل الشعوب، ولكن واش ماعياش بنادم من هاد الهرطقة، إسرائيل واقع معاش دابا وهي الأقوى والأغنى المنطق كيقول راه لي جا من عندها ربح، المهم هو يسالي الصداع فداك القنت والسلام راه كيعني الرفاه للجميع، ماشي بالتساوي طبعا ولكن راه رفاه.

نتانياهو مسكين ليوم قال بلي كيفاش هاد الفلسطنيين رافضين هاد صفقة القرن وهوما باقي حتى ماشافوها أو عرفو شنو فيها، أنا كذلك كنتشارك معاه فهاد التساؤل، كيفاش هاد المغاربة لي خرجوا ليوم ضد صفقة القرن ورافضينها وهوما الفلسطينيين لي معنيين بالأمر باقي ماشافو شنو فيها ومتعرضات عليهم، راه من الغريب أنه باقي بنادم فالمغرب كتبول ليه فوذنو قناة الجزيرة وأخواتها، راه إلى بغا الواحد يضرب دورة فالرباط راه ميمنعو حد، ماشي ضروري يعطي لهاد الدورة طابع نضالي.

موضوعات أخرى