وكالات//

شدات الكاميرا النجم الميريكاني المعروف ليوناردو ديكابريو، نجم هوليود وهو كيتعشا مع صاحبتو الجديدة لي صغيرة عليه فالعمر بـ25 عام، ولي هي المانكان الروسية فيتوريا سيريتي.

على حساب ماقالت المواقع فميريكان فديكابريو عشا صاحبتو الجديدة فواحدة من الريسطوات ديال بيفلي هيلز.

حاول النجم الميريكاني مول 49 عام، أنو يخرج من الريسطو وهو مخبي، ولكن الباباراتزي عاقو بيه، وصوروه واخا كان ياغي يخبي وجهو بكاسكيطا.

لي متبعين هاد الثنائي كيقولو أنهم شافوهوم مع بعضياتهم ف بزاف ديال المرات آخرها في باريس وفلندن، ودابا كايقولو أنهم مرتبطين واخا ديكابريو وعارضة الأزياء معلنوش والو من هادشي رسميا.