وكالات //

خرّج فريق طبي فتركيا، 158 بياسة معدنية، لقاوها فالمعدة ديال واحد المرا اللي كتعاني من مشاكل نفسية.

هاد المرا اللي فعمرها 24 عام، من إقليم “Van” فشرق تركيا، هزوها للصبيطار بعدما كلات برا دالخياطة ودارت ليها وجع خايب فكرشها، قبل ما يتصدمو الأطباء بالبياسات الآخرين اللي لقاو فالمعدة ديالها.

ولقاو فالمعدة ديال السيدة مقص الضفار وموس صغير، وموس ديال الجيب، ومسامر وتورنوفيس وسوارت، وبزاف ديال البياسات معدنية أخرى.

العملية باش خرجو هادشي كامل من المعدة ديال المرا، دوزو فيها ساعة ونص، وصدمات الأطباء بداكشي اللي كانت صارطاه.