وكالات//

صدم المخرج الأردني حسين دعيبس بزاف ديال المحبين ديالو والمتتعبين في الشرق الأوسط، بعدما بان في حالة كارثية وهو كيبكي في دار العجزة.

وبان المخرج الأردني لي خرج المئات ديال الفيديو كليبات لبزاف ديال الفنانين المشهورين، وهو في حالة مزرية في حوار ليه مع الإعلامي السوري ربيع هنيدي.

وبارطاجاو بزاف ديال الناس الفيديو لي كيبكي فيه المخرج الأردني، وقال فيه أنه مكيتسنى شي صدقة من عند شي واحد.

وتعرف هاد المخرج أنه خرج مئات لفيديو كليبات لفنانين بحال كاظم الساهر ونجوى كرم وفضل شاكر وفلة وطلال سلامة وماجد المهندس وعبد المجيد عبد الله.