وكالات///

فواقعة غامضة هزات عالم الموضة والمجتمع ديال إيرلندا، لقاو مصممة الأزياء الإيرلندية “مارثا نولان”، اللي عندها 33 عام، ميتة فوق يخت فاخر كان حابط فمنتجع مونتوك الشهير فـ هامبتونز، ولاية نيويورك.

الشرطة جات لبلاصة الحادث تقريبا مع نص الليل ديال الثلاثاء، من بعد ما توصلو ببلاغ على امرأة طايحة وماكاتتحركش. ورغم المحاولات ديال المسعفين باش ينعشوها، علنو على الوفاة ديال نولان فبلاصتها.

وحسب ما كالت الشرطة، التشريح الأولي ما بانش فيه شي آثار ديال العنف، ولكن السبب الحقيقي للوفاة مازال كيتحققو فيه.

مارثا نولان، اللي كانت هي المؤسسة ديال ماركتي (East X East) (DUBIR)، كانت من الأسماء اللي طالعة فالموضة فـ نيويورك، وكانت معروفة بنمط حياتها الراقي والفاخر، وكتشارك كلشي مع المتابعين ديالها فتيك توك – من الطيارات الخاصة حتى للعطلات الفخم.

وقبل أسابيع قليلة من الوفاة، كانت كتحتافل بالنجاح ديال المحل المؤقت ديالها فمونتوك، وشاركات متابعيها بفيديوهات على الإنجازات ديالها.

الوفاة ديالها خلات موجة كبيرة ديال الحزن فإيرلندا، بحيث وصفها الوزير الأول الإيرلندي بأنها “موهوبة ومبدعة، ورفعات اسم إيرلندا فالساحة العالمية ديال الموضة”، وناس المدينة ديالها “كارلو” تصدمو بزاف من هاد الرحيل المفاجئ.

من جهتو، قال نادي مونتوك ديال اليخوت أنه كيتعاون بشكل كامل مع السلطات فالتحقيق، وعبّر على حزنو على هاد اللي وقع.