وكالات//

تعرّض آرون جودوين، اللي هو مقدم البرنامج الشهير ديال مغامرات الأشباح، لصدمة كبيرة منين سمع بخبر اعتقال مراتو، فيكتوريا جودوين، حيت تورطات فمؤامرة باش تقتلو.

آرون تزوج بفيكتوريا فـ2022، ودابا هي متهمة بتهم خطيرة بحال التحريض على القتل والتآمر عليه، حسب ما قالت الشرطة فمقاطعة كلارك فولاية نيفادا الأمريكية.

وحسب موقع “يوينليد” اللي كيهتم بأخبار المشاهير، فيكتوريا تشدات من بعد ما لقات السلطات أدلة كيبينو أنها كانت باغا تكرّي شي قاتل مأجور باش يقتل آرون. التقارير كيقولو بلّي كانت كتتواصل مع واحد السجين فولاية فلوريدا سميتو جرانت أاماتو، اللي حتى هو مشتبه فيه فالمؤامرة.

وتبيّن من الميساجات اللي كانت بين فيكتوريا وأاماتو كلام خطير، بحال ملي قالت: “واش أنا إنسانة خايبة؟ حيث قررت نحيدو من الوجود وماشي نطلّقو؟”.

التحقيقات بينات أن فيكتوريا عطات القاتل المزعوم معلومات دقيقة على المواعيد ديال التصوير ديال آرون والأماكن اللي كيمشي ليها، باش ينفذ الجريمة وهو كيصوّر البرنامج فكاليفورنيا. ولقات السلطات أنها خصصات أكثر من 11 ألف دولار باش تخلّص على الجريمة، وكانو متفاهمين على دفعة أولى ديال 2500 دولار فالميساجات.

آرون عبّر على صدمة كبيرة من هاد الاتهامات، وقالإنه كان كايظن أنه عايش فزواج زوين ومليء بالحب، وزاد قال بللي كان كيثيق فيها بزاف وكيعتابر علاقتهم مميزة.