وكالات//

منوض واحد الفيديو جديد الروينة فباكستان ونتاشر في العالم كامل، وكيبين اللحظة انتحار واحد رجل الأعمال باكستاني.

كيبان في الفيديو، لي تصور بكاميرا مراقبة، اللحظة لي كان جالس فيها رجل الأعمال بشكل هادئ جدا، قبل ما يجبد فردي من الصاك ديالو وتيرا فراسو بكل برودة ومات في البلاصة.

وعلى حساب ماقالت الصحافة ديال باكستان، فالأمر كيتعلق برجل الأعمال أرشد جمال، والبلاصة لي نتاحر فيها كانت وكالة عقارية.

في التحقيقات الأولى ديال البوليس، قال خو الراجل المنتحر أنه قبل ماينتاحر بساعات تاصل بيه خوه، وقال أنه عندو خلاف مالي مع واحد السيد، وكيسالو 80 مليون سنتيم، وإلى وقعات أي حاجة هو لي كيتحمل المسؤولية.