وكالات//

الأوساط الحقوقية والمناضلين ديال حقوق الإنسان في كوريا الجنوبية كيعيشو واحد الصدمة كبيرة، بعدما قررات أشهر مناضلة في البلاد ضد التنمر والعنف المدرسي على الانتحار.

هاد السيدة سميتها بيو يي ريم، عندها غير 27 عام، وكانت معروفة بنضالها ضد التنمر واكتاسبات شهرة واسعة على مواقع التواصل الاجتماعي بفضل الفيديوهات لي كتدير تقريبا كل نهار علىهاد الظاهرة.

على حساب ما قالت وكالة فرانس بريس الفرانساوية، فهاد السيدة خلات واحد الفيديو قبل ساعات قليلة من انتحارها كتهاجم فيه الدولة بسبب أنها معدلاتش شي قوانين عندها علاقة بالعنف المدرسي، والغد ليه لقاوها منتاحرة في بيتها.

وكانت معروفة على بيو يس ريم أنها تعرضات للعنف والتنمر بزاف فين كانت ف المدرسة، ولي بزز عليها تخرج منها وتمشي تدير التكوين المهني.

فتصريحات قديمة ديالها قالت هاد السيدة مسكينة أنها كانو كيشدوها الدراري وكيخشيو ليها راسها ف الطواليط وكيركلو كرشها، وهي تحقد على المدرسة وعلى كلشي.